Bumaliktad ang buhay ni Lilliane nang sabihin sa kanya ng kanyang uncle Richard na kailangan niyang magpakasal sa isang matandang mayaman upang maisalba lamang ang kumpanya mula sa nalalapit nitong pagbagsak. Tutol siya sa nais nito at ng asawa nitong si Mathilda dahil hindi niya maatim na magpapakasal siya sa isang lalaking halos lolo na niyang maituturing. Isa siyang birhen at ang isipin na aangkin nang matanda ang kanyang katawan matapos ang kanilang kasal ay nagpapatindig sa kanyang balahibo. Desperado na si Lilliane, kung ito lang naman ang makikinabang sa bata niyang katawan ay maigi pang ibigay na lang niya iyon sa isang estranghero at mas bata rito. Kaya nang mapadpad siya sa isang high-end club at makilala ang isang misteryoso at guwapong lalaki’y hindi na siya nagdalawang-isip pa ng yayain siya nitong palipasin ang init ng magdamag sa piling nito. At hindi akalain ni Lilliane na magbubunga ang isang gabi ng kanyang kapusukan at pagiging desperada mula sa lalaking hindi na niya maalala ang mukha.
view moreIsang two-storey house ang nasilayan ni Lilliane matapos makababa sa tricycle. Mukhang itinayo pa ang bahay matapos ang Ikalawang Digmaang Pandaigdig, mga bahay na kilala sa tawag na, ‘post-war’.Pansin ni Lilliane ang mga naglalakihang mga bintana, batid niyang presko ang bahay dahil malayang nakapapasok doon ang hangin. Halata ring alaga ito dahil na-maintain pa rin nito ang kagandahan sa kabila ng mga lumipas at pagiging moderno ng panahon. Wala siyang makitang sira o lamat sa mga dingding na gawa sa kahoy. Ang mga bubong ay mukhang katatapos lang din pinturahan.Malawak din ang bakuran ng bahay at napalilibutan ng mga matataas at iba’t ibang uri ng punong-kahoy. May mga namumulaklak din na halaman na isa sa nagpapaganda sa malawak na solar. Tila napakasarap tumambay at magpahinga sa ilalim ng mga naglalakihan at nagtataasang puno.Kanina habang binabaybay nila ang kalsada sakay ng tricycle matapos makababa sa terminal ay kapansin-pansin ang mabeberdeng kapaligiran.Naaaliw siyang
Hindi pa kailan man naranasan ni Lilliane ang sumakay ng bus at bumyahe nang malayo, ito pa lang ang unang pagkakataon niya.Aminado siya sa sarili na kinakabahan at natatakot siya dahil pakiramdam niya’y patungo siya sa kawalan.Nang makarating sa bus terminal sa Pasay kanina’y hindi niya alam ang gagawin. Nagtanong-tanong siya kung may bus ba na patungong Norte—ang siste’y kakaalis lang daw ng bus na byaheng Dagupan, Pangasinan. Ang kasunod na raw na byahe na papuntang Norte ay sa Tuguegarao na at sa ganap na ala una nang hapon.Hindi niya alam ang lugar na iyon at hindi pa kailan man narating pero magandang lugar iyon para sa kagaya niyang may tinatakasan.Hindi mapigilan ni Lilliane ang magsimulang mabalisa. Kaya nang mag-anunsyo ang kundoktor ng bus na papuntang Tuguegarao na maaari nang sunakay ay nakipag-unahan na siya.Pinili niyang maupo sa dulo at tabi ng bintana. Ang aviator at baseball cap na suot ay hindi niya hinu bad. Ayaw niyang makampante.Alas diez na nang gabi nang
Ibinaba si Lilliane ng sinakyang jeep sa kanto ng Petron sa GMA, Cavite. Hanggang doon na lang daw kasi ang byahe nito at magsasakay naman pauwing Laguna bago mag-boundary.Iginala niya ang paningin. Kahit alas nueve na nang gabi’y may ilang mga tao pa rin ang nakakalat sa bawat paligid ng lugar. May ilang establisyemento pa rin ang nananatiling bukas.Lumapit siya sa vendor ng Japanese cake. May ilang piraso pa ang natitira doon at bumili siya ng lima na yema flavored.“May alam ka po bang motel dito?” aniya.Tumuro ito sa bandang kaliwa niya at nasundan ng tingin ang dereksyon ng kamay nito.“‘Yang gusaling ‘yan,” wika nito, tinuturo ang tatlong palapag na building na nakatunghay sa highway. “motel po ‘yan, Ma’am.”Inabot niya ang binili at nagpasalamat. Ngunit nang maalala na baka sumabit siya sa oras na mag-check in sa motel ay muli niyang hinarap ang vendor.“Bed... space for female? May alam ka po ba kuya?”Tumunghay sa kaniya ang payat na lalaki.“B-baka kasi magkulang ang pera
“Señor,” anang matangkad na lalaki at may seryosong ekspresyon matapos pumasok sa loob ng opisina ni Arnulfo sa sarili nitong mansyon. Bahagya pa itong yumukod bilang pagbibigay galang sa amo.Nananatili namang matigas ang mukha ni Arnulfo habang nakatitig sa kawalan. Kapagkuwan ay inikot nito ang kinauupuan upang harapin ang lalaki.Bukod tanging ang lampshade lamang ang nagbibigay liwanag sa kabuuan ng silid. At nababanaag ni Ruel ang blangkong ekspresyon sa mukha ng matanda.“Kumusta, Ruel, ang pinagagawa ko?”“Na-inform ko na po ang lahat ng ating mga tauhan tungkol sa paghahanap kay Miss Lilliane. Binigay ko na rin po sa kanila ang mga detalye na dapat nilang malaman upang mabilis matunton ang inyong fiancé. At nasa isang mahigpit din po silang direktiba na hanapin siya nang mabilis at tahimik upang hindi po siya makatunog.”Pagkaalis pa lang niya sa mansyon ng mga Olivares kanina’y inimporma na niya si Ruel tungkol sa bagay na iyon. Walang oras ang dapat masayang.“Magaling,” se
Mararamdaman ang namumuong matinding tensyon sa loob nang malawak na living room ng mga Olivares sa pagitan nila Mathilda at Arnulfo. Akma na rin sanang papasok sa naturang lugar ang tinawag na katulong ngunit naestatwa na lang ito sa bungad at hindi na itinuloy ang paglapit. Awtomatiko rin itong napabalik sa dining area.Madilim pa rin ang aura ni Arnulfo at ramdam ng dalawa ang sumisingaw na galit at pagtitimpi nito lalo na sa kaalamang itinago nila rito ang tungkol kay Lilliane.Nagsimulang mangatal ang bibig ni Mathilda habang nag-iisip nang palusot.“M-Mr. Fuentes,” ninenerbyos na ngumiti siya sa matanda. “We didn’t expect that you would visit. Thank you very much for coming.” hilaw niyang nginitian ang matanda.Hindi umimik si Arnulfo, itinaas nito ang noo. Ang mga mata ay may bahid pa rin ng galit.“Hindi ba ninyo alam kung gaano kabigat ang sitwasyon na kinalalagyan n’yo ngayon?” pinagsalit-salitan niya nang tingin ang dalawa. “Lalo ka na, Mathilda.” mariin nitong tinitigan an
Isang marahang katok ang pumukaw sa atensyon ni Miguel mula sa binabasang papeles. Kapagkuwan ay sumungaw ang ulo ni Beatrice mula sa bahagyang siwang ng pinto ng buksan nito iyon.“Miguel, nandito na si Agus,” imporma nito.“Patuluyin mo siya, Manang.”Lumaki nang bahagya ang pagkakabukas ng pinto ng pumasok ang isang matangkad, moreno at matipunong lalaki. Tahimik na pininid nito pasara ang dahon ng pinto at hinarap ang lalaking nakaupo sa likod nang malapad na lamesa na gawa sa mahogany.“Balita, Miguel,” bungad nito sa kaibigan.Tumaas ang sulok ng bibig ni Miguel matapos siyang batiin ni Agus. Ipinahinga niya ang likod mula sa backrest ng kinauupuan at mataman itong tinignan.College days pa lang ay magkakilala na sila ni Agus. Nang magkaroon siya ng interes kay Lilliane ay naisipan niya itong kunin bilang private investigator.Kagaya niya ay kabilang din ito sa isang pribado at misteryosong ahensya na ilang siglo nang nakatatag at nagbibigay serbisyo. At ang presensya ni Agus ay
Pagkatapos mag-withdraw ni Lilliane ng pera ay muli siyang sumakay ng taxi.“Saan po tayo, Ma’am?”“Dalhin mo ako manong sa...” saglit siyang nag-isip. Nang kumalam ang kaniyang sikmura at tila naghahanap nang mainit na kape ang lalamunan ay, “may alam po ba kayong coffee shop sa labas nitong Las Piñas?”Sinilip siya ng driver sa rearview mirror.“Laguna na po, Ma’am.”Binasa niya ang nanunuyong mga labi at mahinang napatango.“Sige, Manong, sa Laguna ho tayo.”Nanghahapong isinandal niya ang likod sa backrest upang kahit paano ay maipahinga ang nanglalatang katawan.“Ayos lang po ba kayo, Ma’am?”Napasulyap si Lilliane sa matandang driver na pinanonood siya mula sa rearview mirror at ginawaran ito nang maliit na ngiti saka tinanguan.“Oho, maraming salamat.”Ipinikit niya ang mga mata. Hindi niya alam kung hanggang kailan siya tatakbo at magtatago. Iniisip pa lang na ganito na siya sa mga susunod na buwan at taon ay nahahapo na siya.Kung tutuusin ay wala siya gaanong alam pagdating
Hindi mapakali si Mathilda habang paroo’t parito sa loob ng kaniyang opisina. Ilang araw ng hindi pumapasok si Lilliane at hindi rin nito sinasagot ang ano mang tawag at message niya at nababahala siya.At kung hindi pa niya pinagtanong kanina kung pumasok ba si Lilliane ngayon ay hindi rin niya malalaman na ilang araw na pala itong absent. Nabinbin din ang mga dapat ay trabaho nito.Naikuyom ni Mathilda ang kaniyang mga kamao at nanggigigil sa galit sa isiping baka tinakasan at pinagtataguan na sila ngayon ng kaniyang pamangkin.Mabibigat ang mga paa na nagmartsa siya palabas ng opisina. Kailangan niya ngayong gumawa ng aksyon.“Carla!” “Ma’am,” gulantang na napatayo ang kaniyang sekretarya sa biglaang sigaw niya. Hindi mapigilang matakot at bahagyang mapaatras ni Carla dahil sa nakikita niyang galit sa mga mata ng amo at sumisigit iyon sa kaniyang mga balat ngayon.“Kailangan kong malaman kung nasaan si Lilliane ngayon!” nagtatagis ang mga ngipin na sigaw nito, hindi alintana ang
Miguel Gunther Salvatierra, the 29-year-old billionaire and CEO of a vast business, is busy moving from one desk to another.Ang kaniyang opisina ay nasa ika-30 palapag ng isang mataas na gusali na puno ng mamahaling kagamitan at mga modernong teknolohiya. Abala siyang tinatapos ang ilang mga papeles ng pumasok sa kaniyang opisina ang sekretarya niyang si Beatrice.“Sir Miguel, nandito na po ang ilang mga report na hinihingi n’yo,” ang saad nito. Mahihimigan sa tinig ng matandang babae ang pag-aalala.“Salamat, Manang Beatrice,” matagal nang naninilbihan sa kanilang kompanya ang babae. Sekretarya pa ito ng kaniyang ama bago nito tuluyang ipinasa sa kaniya ang responsibilidad ng kumpanya. “Pakilagay na lang ho sa kabilang desk,” tugon ni Miguel na hindi inaalis ang paningin sa screen ng laptop.Napahinga si Miguel matapos lumabas nang matandang babae, nanghahapong isinandal niya ang likod sa backrest ng kinauupuan at saglit na pinayapa ang sarili.Dinampot niya ang kaniyang tablet na n
Maligayang pagdating sa aming mundo ng katha - Goodnovel. Kung gusto mo ang nobelang ito o ikaw ay isang idealista,nais tuklasin ang isang perpektong mundo, at gusto mo ring maging isang manunulat ng nobela online upang kumita, maaari kang sumali sa aming pamilya upang magbasa o lumikha ng iba't ibang uri ng mga libro, tulad ng romance novel, epic reading, werewolf novel, fantasy novel, history novel at iba pa. Kung ikaw ay isang mambabasa, ang mga magandang nobela ay maaaring mapili dito. Kung ikaw ay isang may-akda, maaari kang makakuha ng higit na inspirasyon mula sa iba para makalikha ng mas makikinang na mga gawa, at higit pa, ang iyong mga gawa sa aming platform ay mas maraming pansin at makakakuha ng higit na paghanga mula sa mga mambabasa.
Mga Comments