KABANATA 14

“Arnulfo,” sabi niya habang nakahilig sa dib dib ng kaulayaw, ang mga daliri ay nilalaro ang ilang pinong balahibo sa dib dib nito.

“Hmm,”

“Bakit mo ba siya pinag-aaksayahan ng panahon?” tukoy niya kay Lilliane.

Nang umabot sa kanya ang balita na magpapakasal ito sa anak ng noo’y kilalang tech mogul ay nagulantang ang kanyang buong pagkatao. Tinubuan din siya agad nang matinding inis at selos.

Kung magpapakasal ito sa ibang babae ay baka mawalan na ito ng oras at panahon sa kanya. Ayaw niya ng may kaagaw kay Arnulfo kahit marami naman din siyang palihim na kinakalantaring may edad na kapwa artista. Karamihan din sa mga iyon ay may pangalan na sa showbiz.

Ibang-iba para sa kanya si Arnulfo pagdating sa pagtatalik. Sa matandang ito lamang niya naramdaman at nalasap ang tunay na sarap na hindi naibigay ng mga nakatalik niya.

Gaano man din kaguwapo at kakisig ang mga actor na iyon, nakatatrabaho man niya o hindi, hindi pa rin ng mga ito matutumbasan si Arnulfo pagdating sa kama. Hanggang