KABANATA 15

Hindi kaya buntis ka?

Tila alingawngaw ng sirena ang mga salitang iyon buhat kay Consuelo.

Natigagal siya at napatitig dito matapos nito iyon sambitin. Kumakabog ang kanyang puso at ramdam niya ang pagyanig ng kanyang sistema dahil doon.

Mahinang umiling siya habang nakatitig dito, hindi siya naniniwala. Akala lang marahil nito iyon at imposible rin namang mangyari iyon.

Ngunit nang maalala ang isang gabi sa piling ng estranghero na hindi na niya maalala ang mukha, at ang maiinit na sandali na ilang beses nilang pinagsaluhan ay lalong nagpatibay na maaaring tama ang hinala ni Consuelo.

Pero isang gabi lang ‘yon! Giit ng isang bahagi ng isip niya.

Isang gabi pero ilang ulit ka niyang inangkin! Sikmat naman ng kabila.

Bumaba ang mga mata ni Lilliane sa sink.

Katatapos lang niyang dumuwal. At gaya nang dati ay wala naman siyang inilalabas kundi puro laway.

Nagsimula siyang makaramdam nang panginginig.

Paano nga kung totoong buntis siya? Anong gagawin niya? Paano niya ipaliliwanag kay Con