KABANATA 13

“Arnulfo, my love, I'm here!” malandi at mataas ang tinig na bungad ni Scarlet pagpasok pa lamang niya sa mataas at malaking double doors ng mansyon.

Mapang-akit at kumekendeng itong naglakad sa malawak na living room. Suot ay isang kulay pulang dress na may mababang neckline, ang malulusog na mga dib dib ay nagmamalaki. Humahakab din sa malaki nitong balakang ang tela ng suot na damit na ang haba ay hanggang sa ilalim ng tuhod. Ang tatlong taas na takong ng suot na nude strappy stilletos ay nagbibigay taas sa hindi katangkarang babae.

Huminto si Scarlet sa gitna ng living room at maarteng hinawi ang mahabang buhok na bahagyang tumabing sa gilid ng mukha. Pinaarte rin ang buhok nitong orihinal na deretso dahil ngayon ay nakakulot iyon.

Iginala niya ang paningin. Napakatahimik ng mansyon na tila walang nakatira. Mayamaya ay lumabas ang isa sa mga katulong ni Arnulfo at hindi mapigilan ni Scarlet na taasan ito ng kilay at kutyain gamit ang mga mata. Sa pagkakaalam niya ay ito ang pinaka