KABANATA 19

“You made a huge mistake, Mathilda!” nanggagalaiti sa galit na bulyaw ni Mr. Briones nang hindi na makapagtimpi, isang kilalang shareholder ang matanda dahil sa pagiging masigasig pagdating sa pamumuhunan.

Dahil sa mga binitawang salita na iyon ng matandang lalaki ay tuluyang pumutok sa hangin ang kanina lamang ay namumuong matindi at mainit na tensyon sa loob ng conference room ng NexTech Solutions. Mas higit na ring naramdaman sa loob ng silid na iyon ang nakatutupok na init ng galit mula sa mga shareholders.

Ang malaking lamesa ay napaliligiran ng mga naka-business attire na nakaupo, ang ilan ay may mga folder na puno ng mga dokumento. Ang kanilang mga mata ay tila nag-aalab, puno ng galit at pagkabigo habang nakatingin kay Mathilda na nakatayo sa harapan. Kasalukuyang ginaganap ang isang emergency meeting ng mga sandaling iyon.

Hindi sila makapaniwala na dinaranas ngayon ng kumpanya na dating masigla at nangunguna sa larangan ng teknolohiya sa Pilipinas ang ganito kasadlak na s