BREAKING THY INNOCENT

Prologue

Mahimbing na natutulog si Mahalia nang may tumapik sa kanyang balikat upang gisingin siya. Nakita niya ang kanyang ama na nakatayo sa gilid ng kanyang kama.“Tay, anong ginagawa mo dito? May kailangan ka ba sa akin?” tanong ni Mahalia na may pagkalito. Ito ang kauna-unahang pagkakataon na pumasok ang kanyang ama sa kanyang silid sa gabi. Naguluhan siya sa reaksyon sa mukha nito. Para bang may nangyayaring masama. “Tay, ikaw ba—” pinutol ng kanyang ama ang kanyang sinasabi.“Huwag kang maingay, Mahalia kung ayaw mong mamatay tayo,” pabulong na sabi ni Lando. “May mga armadong tao na naglalakad-lakad sa paligid ng ating bahay. Mukhang may balak silang masama para sa atin.”Naramdaman ni Mahalia ang takot sa narinig mula sa kanyang ama. Agad siyang tumayo mula sa pagkakahiga sa katri at naging alerto sa posibleng mangyayari.Pinasunod ni Lando ang kanyang anak, at sumunod naman ito palabas ng silid. Dumeretso sila sa silid ng mag-asawa kung saan naghihintay si Tessa, ang ina ni Mahalia...