Chapter 47

"Oh, Hi, Sach! What made you come here?"

Dire-diretso ako ngayon sa pagpasok sa opisina ni Calisto. Ni hindi ko siya pinansin nang batiin ako, basta na lang akong umupo ngayon sa couch na naroon habang nakakrus ang mga braso at masama ang tingin sa kaniya.

"H-hey, what did I do?" nagtataka na ngayong tanong niya nang makita ang masama kong titig.

Pinaningkitan ko siya ng mata. "You know what, we should discuss something," panimula ko kaya naman kumunot ang noo nito sa pagtataka.

Isang linggo na ang nakalilipas magmula nang makausap ko si Alyssa. Hindi na masakit ang balakang ko ngayon, mabuti na nga lang at hindi rin nagkaroon ng internal bleeding kaya binigyan na lang ako ng gamot para mawala ang pasa at sakit nito.

Isang linggo na rin akong nangangating pumunta rito. Hindi ako makalabas-labas ng bahay dahil todo bantay sa 'kin si Aries. Nalaman niya kasing balak kong puntahan si Cali kaya hindi ako nito pinapayagan. Mabuti na lang at n