CHAPTER 82

Hindi maintindihan ni Amadeus ang mga nangyayari. Na-supresa siya sa biglaang paglitaw ni Lucine sa mansyon nang siya'y umuwi subalit mas ma-su-supresa pa pala siya sa inakto nito kanina sa harap niya. Hindi niya mawari kung bakit tila pinagtulakan siya kanina ng dalaga at hindi rin siya nito magawang tignan nang diretso sa mata. Nababatid niyang mayrong mali at iyon ang nais niyang malaman.

" Hindi ka pa ba matutulog? " tanong ni Venice na lumabas ng balkonahe ng kanilang silid upang silipin si Amadeus. Nasa tapat ito ng barandilya, may hawak na baso na may lamang alak. Lumapit si Venice sa sopa na nasa gilid ng pintuan ng balkonahe, naupo habang pinagmamasdan ang likod ni Amadeus. " Hindi ka pa rin ba makapaniwalang bumalik na si Lucine? Dapat masaya ka, hindi ba? Bakit sa nakikita ko parang problemado ka? "

Hindi kumibo si Amadeus. Nanatili ang kaniyang paningin sa kawalan, iniisip ang posibleng nangyari kay Lucine. Kaswal siyang pinakitunguhan kanina, animo'y walang naganap na