CHAPTER 84

" K-kanina ka pa d'yan? " hindi alam ni Janina ang sasabihin matapos bumungad sa harap niya si Morriss na may dalang palumpon ng mga rosas. Mayroon din itong hawak na isang kahon na naglalaman ng pan de drema. Ramdam ni Janina ang paro-paro sa tiyan niya, ngunit pinipigilan niya ang sarili na ngumiti dahil tinatak niya sa isip na dapat nagtatampo siya.

" Para sa'yo..." Inabot ni Morriss ang bulaklak kay Janina pati na rin ang pan de krema. Tahimik ang paligid, ngunit na sa kanila ang mga mata ng bawat tao sa loob ng karinderya.

" Ah, salamat..." Pinalobo ni Janina ang pisngi niya upang pigilan ang kaniyang pag-ngiti ngunit unti-unti rin itong umimpis nang sundutin ni Morriss ang kaliwa niyang pisngi dahilan upang lumabas na nang tuluyan ang tuwa at kilig ni Janina. Nagsimula na ring magpalakpakan ang mga tao sa paligid na sinamahan ng pang-aasar mula sa mga serbidora na nakasaksi kung paano maging marupok ang dalaga.

Tumikhim si Lucine upang kuhanin ang atensyon ng dalawa sa harap n