CHAPTER 91

Sa pagmulat ng mga mata ni Lucine, ang unang bumungad agad sakaniya ay ang maaliwalas na mukha ni Amadeus na nakayakap sa kaniya. Wala sa sarili siyang napangiti habang pinagmamasdan ang bawat parte ng mukha ng lalaking minamahal niya. Gamit ang hintuturo, pinalandas niya ito sa makapal na kilay at mahahaba nitong pilik mata habang binabalikan ang nangyaring pag-iisa. Ramdam pa rin ni Lucine ang sakit sa kaniyang kaselanan subalit walang makakatumbas sa kaligayahan na kaniyang naranasan at naramdaman. Ito ang kaniyang unang beses at tila ba sa isang iglap, nawala ang bigat sa dibdib niya dahil pinunan ito ng pagmamahal ng lalaki sa kaniyang harapan. Nawala ng parang bula ang kaniyang mga alinlangan at pag-alala sa relasyong mali sa paningin ng lahat.

Bumangon si Lucine sa kama nang dahan-dahan, tiniis ang sakit na nararamdaman sa kaniyang ibaba habang pinupulot ang mga damit na nagkalat sa sahig. Dumaan ang kaniyang tingin sa malaking salamin at mula leeg hanggang dibdib, puno ito ng