CHAPTER 94

" Mag-isa lang kayong nakatira sa malaking bahay na 'to? " tanong ni Owen habang nililibot ng tingin ang buong salas kung saan sila dinala ni Amelia. Lahat ng mga kagamitan ay ginto ang halaga, maski ang pusa na dumaan sa harap nila ay mababatid ni Owen na hindi ito madaling hanapin at bilhin dahil sa uri nito.

" Mag-isa lang akong nakatira dito. Pero minsan, nandito rin si Gregorio para samahan ako, " saad ni Amelia saka binaba ang bandeha sa lamesitang nasa harap nina Owen at Morriss na nakaupo sa sopa. " Uminom muna kayong dalawa. Alam kong malayo ang naging byahe niyo para magtungo dito sa bahay ko. Ewan ko ba kay Gregorio, sa dami ng bahay na malapit sa bayan nila, dito pa ako sa malayo dinala. "

" Para sa kaligtasan niyo, " saad ni Morriss na ngayon lang nagsalita matapos ng mahigit isang oras na pananahimik. " Maraming koneksyon ang asawa ni Don Gregorio. Siguradong sa isang pitik lang ng kamay niya, mahahanap na kayo. "

Kumawala ang tawa sa dalaga saka naupo sa sopa kaharap an