CHAPTER 95

Isang malalim na buntong hininga ang pinakawalan ni Amelia habang nakatayo sa harap ng establisyemento kung saan sila madalas nagtatagpo nang patago ni Don Gregorio. Pakiwari niya'y ito na ang huling beses na papasok siya sa lugar na ito dahil sa kasunduan na kaniyang sinang-ayunan.

Nagsimula humakbang palapit si Amelia sa pintuan at taas-noong tumingin sa guwardiya na nakabantay sa labas na agad rin naman siyang pinagbuksan.

Pagkaapak niya sa loob ng restawran, pasimple niyang inilibot ang tingin sa paligid at nakita sa isang lamesa ang dalawang estranghero na kaniyang nakausap kanina. May dalawang walang lamang baso sa mesa nito na agad naman pinalitan ng lumapit na serbidora ng dalawang bagong alak.

" Magandang gabi, Señorita. " Naalis ang tingin ni Amelia sa gawi nina Owen at Morriss nang may isang serbidora na sumalubong sa kaniya. Magalang nitong itinuro ang isang pasilyo kung saan matatagpuan ang mga pribadong silid na laman ng mga taong gusto ng pribadong oras. " Dito po