CHAPTER 97

Umalingawngaw ang galit na boses ni Logan sa kaniyang opisina matapos ibalita sa kaniya ng sekretarya ang mga sunod-sunod na pag-alisan ng mga empleyado sa bawat depertamento. Nagkalat sa lapag ang mga papel na naglalaman ng mga sulat ng pagbibitiw sa trabaho galing sa mga nagsialisang tao mula sa pinakamataas na posisyon hanggang sa pinakaibaba.

" Ang lalakas ng loob nilang lapastanganin ang kompanya ko! Ako ba'y tinatarantad* ng mga 'yan?! " Nanggagalaiting saad ni Logan. Halos hindi naman makagalaw sa kinatatayuan ang sekretarya na sumasalo ng galit at masasakit na salita mula sa kaniyang pinaglilingkuran. " Ipaliwanag mo nga saakin kung paano nangyari 'to?! Ano bang pumasok sa isip ng mga 'yan?! "

" Don Banville, halos iisa lang po ang mga dahilan ng mga empleyado..." Nakatungong saad ng sekretarya. " Iyong mga nadadagdag na oras na ginugugol nila sa opisina ay hindi pa rin po bayad. Halos taon na rin po nila itong inirereklamo pero wala pa rin po kasing aksyon na nangyayari sa i