CHAPTER 103

" Don Banville, narito na po tayo, " anunsyo ng drayber ni Logan matapos ihinto ang sasakyan sa tapat ng gusaling sinadya niya ngayong umaga. Sumilip siya sa bintana ng kotse bago nagdesisyong bumaba. Mahigpit ang kaniyang hawak sa tungkod na sumusuporta sa kaniyang pagtayo at paglalakad sapagkat matapos ng nangyaring gulo noong isang linggo, inirekomenda ng kaniyang Doktor na gumamit na siya ng pansuporta upang mabalanse ang kaniyang pagtayo.

Lumakad si Logan papasok ng establisyemento kasunod ang kaniyang mga tagabantay. Binati sila ng guwardiya na nasa labas ng pintuan, nagtanong kung ano ang kailangan ngunit hindi nag abalang sagutin ito ni Logan. Dumiretso siya sa isang pinto at inutusan ang isang niyang bantay na kumatok. Ilang saglit lang ay bumukas ito at niluwa ang isang tao ni Don Caruso.

" Ah, kayo pala. Magandang umaga po, Don Banville. Tuloy po kayo sa loob. " Magalang nitong bati saka nilakihan ang awang ng pinto upang sila'y patuluyin sa loob. " Ang aga niyo po yata