CHAPTER 110

" Aalis ka na? " tanong ni Janina kay Lucine nang magpaalam na ito sa kanila. " May sundo ka na ba? Kumusta pakiramdam mo? Masakit ba ulo mo? Nahihilo ka ba? Sigurado ka bang hindi na kailangan ng ospital? "

" Janina, ayos lang ako. Pagod lang siguro ako kaya dumugo ang ilong ko kanina, " paliwanag ni Lucine saka inalis ang tisyu na nakasuksok sa kaliwang butas ng kaniyang ilong. " Pasensya na kung pinag-alala ko kayo. Sa Lunes na ako babalik dito sa karinderya. Kayo muna ulit ang bahala dito, Janina. "

" Ano ka ba, ayos lang. Hindi mo kailangan madaliin ang pagbalik mo rito sa karinderya. Walang problema saamin kahit isang buwan ka pa magpahinga, ang importante ay ang kalusugan mo, Lucine, " puno ng sensiridad na wika ni Janina. " Wala akong ideya kung gaano ka-grabe ang pinagdadaanan mo sa inyo, pero huwag mong pabayaan ang sarili mo. Marami kaming kaibigan at kakampi mo rito sa labas, kung kailangan mo ng resbak, pangungunahan ko na. "

Bahagyang natawa si Lucine, tumango-tango na