CHAPTER 111

" Paparating na rin po ang Don. Mga sampung minuto lang po ay siguradong narito na siya. " saad ng tauhan ni Don Caruso kay Logan na halos kalahating oras ng naghihintay sa opisina nito. " Pasensya na po ulit kung kinailangan niyong maghintay nang matagal. May nangyaring aksidente raw po sa highway kaya naipit sila sa traffic. "

Hilaw ang ngiti na tumango-tango si Logan, hindi siya kumbinsido sa narinig ngunit desperado na siya. Wala na siyang pakialam kung ilang oras pa siyang maghintay dahil kailangan niyang makausap si Don Caruso, ora mismo.

" Walang problema saakin. Ang mahalaga ay makarating siya nang ligtas rito, " ani Logan saka sumimsim sa kape na wala ng init. Muli siyang tumingin sa suot na relos, alas siyete na ng gabi. Walang nangyaring umagahan, tanghalian at hapunan sakaniya, subalit hindi niya magawang makaramdam ng pagkagutom dahil punong-puno na ang kaniyang katawan ng mga iisipin.

Sa mga nakalipas na linggo, nababatid ni Logan ang ginagawang pag iwas sa kaniya ni D