CHAPTER 109

" Tita Rei? " Namilog ang mata ni Amadeus nang makitang ang kaniyang Tiya sa labas ng pinto ng kondominyum niya. Mukhang balak pa lamang nitong pindutin ang buton sa gilid na nagpapadala ng mensahe sa loob na mayroong tao sa labas. " Ano pong ginagawa niyo rito? Paanong...akala ko sa isang linggo pa ang dating niyo? "

" Su-supresahin sana kita, pero ako pa ang na-supresa, " sagot ni Reina saka humawak sa kaniyang dibdib dahil sa pagkabigla nang bumukas ang pintong tinatayuan niya. Tumingin siya sa likuran ni Amadeus. " Puwede ba akong tumuloy sa loob? O baka mas gusto mong dito tayo mag-kumustahan sa labas? "

Tila natuhan naman si Amadeus at niluwagan ang pagkakabukas ng pinto upang papasukin sa loob ang kaniyang Tiya. Wala si Owen at Morriss dahil sa trabahong kaniyang pinagagawa at pinatatapos na may kinalaman sa kaso ni Victoria.

" Kumusta ang pamamalagi mo dito? Naging komportable ka ba? " panimula ni Reina habang inililibot ang tingin sa kabuan ng kondominyum na tinitirahan