CHAPTER 107

" Sige, maraming salamat. " Binaba ni Amadeus ang selpon matapos siyang balitaan tungkol sa matagumpay na pagkakahuli kay Victoria. Inaasahan na niyang babalakin nitong tumakas ngunit marami siyang nakalatag na plano at kahit anong solusyon o daan ang piliing tahakin ng mga ito, isa lang ang dulo na naghihintay sa mga Banville.

Sumimsim si Amadeus sa mainit na kape habang nakatayo sa harap ng salamin na nagsisilbi na rin niyang dingding. Nakatanaw siya sa malawak na siyudad habang ang kalangitan ay nagsisimula na ring magkaroon ng liwanag.

" Kaunting tiis na lang, Lucine... " mahinang bigkas ng kaniyang bibig. Umalis siya sa harapan ng salamin at lumakad pabalik sa kaniyang mesa. Binaba niya ang tasa sa mesa saka kinuha ang isang malaking sobre na ilang araw na ring na sa kaniya. Kaniyang inilabas rito ang ilang papeles na susi sa pagpapawalang bisa ng kasal nila ni Venice. Pirmado na niya ang kaniya at naghihintay na lamang siya ng tamang tyempo upang hingin ang pirma ng asawa.

Ba