CHAPTER 93

Hindi na mabilang ni Janina kung ilang beses na niyang naibuka ang bibig para maghikab habang pinupunasan ang mga kubyertos na gawa sa plastik. Alas sais pa lamang ng gabi, ngunit pakiramdam niya'y hinahatak na siya ng kama niya upang makapagpahinga.

" Pang-limang hikab mo na 'yan, Janina. Pati ako nahahawa na, " saad ng katabi niya na abala naman sa pagbabalot ng tisyu sa kubyertos na galing kay Janina. " Ang aga pa naman, inaantok ka na agad. Puyat ka ba? "

" Pinuyat ako ng kapatid ko kagabi. Tinulungan kong gumawa ng project niya sa school..." Napaisip bigla si Janina nang may napagtanto. " Mali pala, ako pala ang halos gumawa ng project niya. "

Natawa ang kasama niya sa mesa. " Ganiyan din kapatid ko. Kulang na lang nga ay pangalan ko na ang ilagay ko para ako ang makatanggap ng mga papuri sa teacher niya. Napakatamad kaya, sarap isumbong sa nililigawan para basted-in siya. "

" Naku, hindi uubra saakin ang katamaran. Kapatid ko nakatatanggap ng kutos saakin kapag nahuhuli kon