CHAPTER 76

" Wala na nga kayo sa sarili niyong pag-iisip..." hindi mapigilan ni Lucine ang muling magbitaw ng salitang lalong magdadala sa kaniya sa kapahamakan. " Talagang mandadamay kayo ng mga inosenteng tao para lang masunod ang gusto niyo? "

" Kung ito lang ang paraan para umayos ka, bakit hindi? " ani Logan saka sumandal sa sopang inuupan at binaling ang tingin sa telebisyon. " Huwag kang mag-alala, wala namang mangyayari sa kanilang masama kung susunod ka saakin. Kausapin mo ako nang maayos bilang ama. "

Naiyukom ni Lucine ang kamao, pilit itinatago ang takot sa mukha. Subalit nang sandaling lumingon si Logan sa gawi ng anak, kita niya ang panginginig ng kamay nito at ang mabilis nitong paghinga habang matalim na nakatingin sa kaniya.

" Huwag mo akong titigan na para bang ako lang ang nakikita mong pinakamasamang tao sa mundo. Mas marami pang malulupit saakin at huwag mong hintayin na dumating ang araw na magtagpo ang mga landas niyo. " Umalis si Logan sa pagkakasandal sa sopa at itinuro