CHAPTER 80

" Don Banville, mabuti at nakarating ka na. Akala ko'y matatagalan ulit bago tayo magkita. " Magiliw na bati ng Don Caruso kay Logan nang ito'y pumasok sa kaniyang opisina.

" Pasensya na kung natagalan ako, Don Caruso, " ani Logan. Inakbayan naman siya sa balikat ng Don at sila'y lumakad patungo sa gitna ng silid kung saan sila naupo sa magarang sopa na may mamahaling babasaging lamesita sa gitna nila. Lumingon si Logan sa tatlo niyang guwardiya na may hawak na limang parisukat na lalagyan o maliit na maleta na naglalaman ng pinag-usapan. Sinenyasan niya ang mga ito na ilagay na sa mesa ang maleta at isa-isang binuksan upang ipakita ang mga pera na kapalit ng pagtulong sa kanila ng Don Caruso.

" Bueno, masaya ako at umayon saatin ang plano. " Humithit si Don Caruso ng tabaco at sumenyas sa kaniyang mga tauhan na kuhanin ang limang maleta sa mesa. Ibinuga niya ang usok, ngunit napunta ang lahat ng 'yon sa gawi ni Logan na inubo habang inaalis ang usok sa harap niya. Napangiti si Don Ca