All Chapters of A Husband's Vengeance : Chapter 81 - Chapter 90

Hindi malaman ni Lucine kung ano ang dapat na maramdaman nang sandaling huminto ang sasakyan sa harapan mismo ng mansyon. Bumalik 'yong pakiramdam niya noong una siyang umapak sa mansyon na kung saan hindi niya batid kung ano ang sasalubong sa kaniya sa loob. Walang takot, ngunit mayroong pag-aalala. " Halika na, bumaba na tayo, " saad ni Logan na nauna ng bumaba ng sasakyan matapos siyang pagbuksan ng pinto ng guwardiya nito. Hindi na hinintay ni Lucine na may magbukas pa ng pinto sa kaniya, agad siyang lumabas ng kotse at sinalubong siya nang malakas na ihip ng hangin na tila masaya sa pagbabalik niya. Inilibot ni Lucine ang tingin sa paligid, hindi pa rin siya makapaniwala na ang bahay na siyang ginamit upang itago siya ay nakatayo lamang sa dulo ng mansyon. Matagal na niyang batid na malaki at napakalawak ng lupaing orihinal na pagmamay-ari ni Amadeus, ngunit kailanman ay hindi niya naisip na maaari din itong gamitin ng ama upang pamugaran ng mga sindikatong kalaban ni Amadeus.

Buong lakas na itinusok ni Venice ng kutsilyo ang gulong ng kaniyang sasakyan dahilan upang ito'y unti-unting mawalan ng hangin sa loob at umimpis. Mabilis siyang tumayo at lumayo tsaka itinapon ang hawak na kutsilyo sa isang halaman na nagsisilbing palamuti malapit sa garahe ng mansyon. Inayos niya ang sarili bago naglakad palabas ng garahe. Nakita niya ang sasakyan ng ama na nakaparada na sa tapat ng mansyon, ngunit hindi iyon ang hinahanap ng mata niya. " Oh, akala ko nakaalis ka na? " takhang tanong ni Victoria na nakatayo sa bungad ng mansyon katabi si Logan na abala sa pakikipagusap sa guwardiya nito." Paalis na nga ho sana ako, butas pala ang gulong ng sasakyan ko..." pagsisinungaling ni Venice saka lumapit sa kinatatayuan ng kaniyang magulang upang sumilong saglit dahil sa nakakasilaw na sikat ng araw. " Ganoon ba? Kung ganoon sumabay ka na lang sa Papà mo, " suhestiyon ni Victoria saka nilingon si Logan na napahinto sa pagsasalita at takhang lumingon sa kanila. Walang idey

Maingat na ibinaba ng sekretarya ni Logan ang bawat tsaa sa harap ng mga Don na abala sa kuwentuhan at payabangan ng kani-kanilang mga napagtagumpayan sa mga nakalipas na buwan. Tatlong malalaking tao ang kasama ngayon ni Logan; ang isa ay ang kaniyang kasiyoso sa kompanya na si Don Gregorio, habang ang dalawa ay ang may-ari ng mga naglalakihang pangalan sa mundo ng mga makabagong teknolohiya. Masaya ang kuwentuhan ng lahat, kaniya-kaniyang buhat ng bangko upang hindi mapag-iwanan, nag-iimbento pa ng mga kasinungalingan para lang hindi malamangan. " Siya nga pala, Don Banville, ano na palang balita sa iyong anak na dalaga? " tanong ng isang mataba at matandang lalaki na si Don Gelacio—ang may ari ng isang sikat na pangalan ng mga nauusong gadyet sa kasalukuyan na siyang kinahihiligan ng maraming kabataan. " Nabalitaan kong nagkaroon ng kaguluhan sa simbahan dahil sa hindi pagsipot ng inyong anak at ng unico hijo ng Zolina sa simbahan. Totoo bang kinansila niyo na rin ang kasal nila?

Limang taon na ang nakararaan magmula noong mangyari ang sunog sa mansyon ng Hassan na kagagawan mismo ng isang Hassan. Simula sa sunog, sa isang pekeng bangkay na inilagay sa kaniyang silid, sa kaniyang pagtakas at sa pagdating ng mga pulis ay planado na at pinangunahan ito ng isang mapagkakatiwalaang Tinyente na handang tumanggap ng maruming trabaho, kapalit ang halaga ng perang triple sa natatanggap niyang suweldo. " Lieutenant, babayaran ko kayo sa kahit na magkano. Huwag niyo na lang banggitin pa ang nakita niyong nakakandadong pinto sa silid kung saan natagpuan ang bangkay ni Amadeus Hassan. Isarado niyo agad ang kaso, " ang eksatong mga katagang binitawan ni Logan noong mga panahong pinagbagsakan ito ng langit at lupa. " Siguradong lalapitan kayo ng Don Banville at makikiusap na isarado agad ang kahaharapin nilang kaso. Tanggapin niyo ang perang iaalok niya at gawin niyo kung ano man ang sasabihin niya, " saad ni Owen matapos ihayag sa Tinyente ang binuong plano ni Amadeus pa

" Anong sabi mo? " Gumuhit ang gulat sa mukha ni Lucine matapos nang isiniwalat sa kaniya ni Venice. " Si Papà ang dahilan kung bakit naksidente noon si Amadeus? "Pumikit si Venice nang maramdamang umiikot ang paligid niya. Lumuwag ang kapit niya sa balikat ni Lucine ngunit siya naman ang hinawakan nito sa braso. " Venice, magsalita ka. Linawin mo saakin ang sinabi mo, " pakiusap ni Lucine. Naguguluhan sa kung anong ibig sabihin ni Venice sa mga binitawan nitong salita. " Ano bang aksidente ang tinutukoy mo? Anong pagtatangka? Iba pa ba 'yong mga medisina na pinaiinom nila noon kay Amadeus para lumala ang kalagayan niya? Iyong aksidente bang tinutukoy mo—"" Hindi mo ba narinig ang sinabi ko? " Nanatiling nakasarado ang mga mata ni Venice. Tila malapit na siyang bumagsak dahil sa labis na hilong nararamdaman niya. " Ang Papà ang naging dahilan... si Papà ang nasa likod ng aksidente ni Amadeus kaya naging baldado siya. Tinanggalan niya ng preno 'yong kotseng gamit noon ni Amadeus...T