Struggles of the Legal Wife

Chapter 1

#The Wife's Doubt “Salamat talaga sa team mo, Doc Andeng! Kahit na sobrang taas nitong bundok na inaakyat n’yo, every month pa rin kayo na dumadalaw rito para sa check-up naming mga matatanda at mga bata rito.” “Pati na rin ang mga alaga nating aso, Cora!” saad naman ng isang matandang lalaki na gula-gulanit na ang kanyang suot na sumbrero. “Pati mga alaga naming aso at pusa rito ay nababakunahan n’yo panlaban sa mga nauusong sakit. Maraming salamat talaga, doktora, sa serbisyo n’yo sa amin. Kahit na wala kaming kahit na piso na maibabayad sa inyo.” “Bakit n’yo naman kailangang magbayad sa akin, Mang Ben… e, libreng konsulta nga po ito,” natatawang tugon ko. “Sapat na po sa akin na matanggap ang napakarami n’yong pasasalamat para sa serbisyo ng team ko sa inyo. Sobra-sobra nang kabayaran ‘yon sa amin.” Walang-halong ka-plastik-an itong ipinapakita ko, makita ko lang talaga na masasaya ang mga taong nakatira dito sa bundok ng Manoag, ayos na ako. Sa layo ba naman kasi ng kailangang