Kabanata 0027

Nakita niyang parating na si Levi sa kanilang direksyon. May dala itong isang kumpol na kulay pulang bulaklak. Nangunot ang noo ni Raquel habang nakatitig kay Levi.

“Raquel...” tawag sa kanya ni Levi. “Pinabibigay ni—”

“Sabihin mo sa kanya na kainin niya ang bulaklak niya. Hindi ako tumatanggap ng basura.”

Hindi pa man natatapos ni Levi ang kanyang sasabihin ay inunahan niya na ito. Alam niya kung saan galing ang mga bulaklak na 'yon.

“Malalagot ako kay Nicholas kapag hindi mo ito tinanggap,” aniya kaya napaikot ang dalawang mata ni Raquel.

“Pakilagay na lang diyan sa ibabaw ng lamesa. Sabihin mo tinanggap ko.”

Isang ngiti ang gumuhit sa mga labi ni Levi dahil sa sinabi ni Raquel. Agad nitong inilagay sa ibabaw ng lamesa ang bulaklak at naghanda na para umalis.

“Thank you, Raquel. Nicholas will be happy about this,” sambit ni Levi na ngayon ay nakangiti nang malapad.

Ngumiti na lamang nang pilit si Raquel at tinitigan lang si Levi hanggang makaalis ito saka napalis ang ngiti niya s