Kabanata 0028

“Magkano kayo?”

Nanlaki naman ang mata ni Raquel dahil sa naging tanong ng driver. Paglingon niya dito ay nakangisi na itong nakatingin sa kanila. Namula naman ang kanyang pisngi dahil sa galit kaya nilapitan niya ito at pinaghahampas ng dala niyang bag.

“What do you think of us? A prostitute!?” galit niyang tanong.

Bumaba ang lalaki sa tricycle at hinawakan ang braso niya. Hinampas naman ni Althea ang lalaki subalit naglabas ito ng patalim kaya napahinto sila.

Gusto na umiyak ni Raquel subalit pinigilan niya ang sarili dahil hindi siya pwedeng magpakita ng kahinaan sa lalaking na sa harap nila ngayon.

“Nagpapakipot pa kayo ah. Alam ko naman na binebenta niyo ang sarili dahil ganito naman dito. Katunayan nga dito pa sila nag-aabang palagi. Pasalamat ka nga dahil ako na mismo ang lumapit sa 'yo,” sambit ng lalaki na mahigpit pa rin siyang hinahawakan.

“Hindi nga kami bayaran. Bitawan mo kami bago pa man may masamang mangyari sa 'yo!” sigaw ni Althea kaya naman natawa lang ang tricycl