Kabanata 0052

“Nagulat ka ba na nandito ako, Raquel?”

Napangiti si Raquel dahil sa tanong sa kanya ni Isabella. Alam niya sa sarili niya na hindi na siya maaapektuhan na makita ito dahil alam niyang hindi na siya tulad ng dati, noong panahon na nahuli niya ito at si Nicholas.

“I'm not surprised, Isabella. I know you will come here and who doesn't?” sagot naman ni Raquel sa kanya.

Ngumisi lang ito na parang walang bahid nang kung anong pagsisisi sa ginawa niya noon.

“O, bakit ka mag-isa?” tanong nito kay Raquel. “Ay, magkasama pala kayo pero sa 'kin lumapit kanina.”

Nagtiim ang bagang ni Raquel dahil sa sinabi nito. Alam ni Raquel kung sino ang tinutukoy ni Isabella pero pinilit niyang hindi maging apektado. Wala siyang pakialam sa kung ano man ang sinasabi nito sa kanya.

“Wala akong pakialam kung nilapitan ka niya. Pinagtulakan ko nga siya pero hindi ko alam kung bakit balik pa rin nang balik sa 'kin. Ako na nga itong nakipaghiwalay.”

Hindi aatrasan ni Raquel si Isabella at sasabayan niya ito s