Kabanata 0049

Pumasok sila sa loob ng mansyon ni Nicholas at nanumbalik ang mga alaala ni Raquel noong nakatira pa siya dito. Lahat ng saya, lungkot, at pag-iyak niya ay saksi ang bahay na ito. Hindi niya akalain na makakapasok pa siya ulit dito.

“I'll bring the two of you to your room,” ani Nicholas at nagsimulang maglakad. Sumunod si Raquel habang si Althea naman sa tabi ay palinga-linga lang. Hindi ito makapaniwala sa kanyang mga nakikita.

“Grabe, ang ganda ng bahay ni Nicholas, Raquel. Kung maganda ang mansyon niyo sa probinsya, mas triple naman ang ganda nito,” hangang sabi ni Althea.

Napabuntong hininga na lamang si Raquel at hindi na kumibo. Umakyat sila sa ikalawang palapag at nagbukas ng isang kwarto si Nicholas.

“This will be Althea's room, while you can stay at the master's bedroom, Raquel.”

Napadilat ang mata ni Raquel nang marinig niya ang sinabi ni Nicholas. Kumabog ng malakas ang kanyang dibdib at hindi siya makapaniwalang tinitigan ito.

“What did you just say? I'm staying in the m