Kabanata 0030

Pakiramdam niya ay pulang-pula ang kanyang mga pisngi. Hindi niya lubos akalain na manggagaling ang mga salitang 'yon kay Nicholas. Nilingon niya si Althea sa likod at ngayon ay tahimik lang na tumatawa. Hindi ito makatingin sa kanya dahil alam ni Althea kung ano ang kanyang gagawin.

Naiinis namang ibinalik ni Raquel ang tingin kay Nicholas at pinatigas ang kanyang mukha. “Shut up!”

“Alam kong kinilig ka do'n, Raquel. 'Wag mo na pigilan pa ang puso mo. Alam ko naman na mahal mo pa rin ako at gusto ko lang malaman mo na ganoon rin ang nararamdaman ko para sa 'yo.”

Hindi makapaniwalang iniling ni Raquel ang kanyang ulo dahil sa sinabi ni Nicholas.

“Talaga bang ibinaba mo na ang sarili para lang lokohin ako? Iyan lang ba ang kaya mong gawin, Nicholas?”

Ang ngiting gumuhit sa labi ni Nicholas kanina ay biglang nawala dahil nagsisimula na naman si Raquel sa pagwasak sa kanyang puso sa pamamagitan ng mga masasakit na salita.

“I will do everything just for you, Raquel. Hurt me anytime y