Kabanata 0038

Kinaumagahan ay maagang nagising si Raquel at Althea upang maghanda para pumunta sa bahay nila Amelia. Hindi na siya makapaghintay pa na makaalis para na rin takasan si Nicholas dahil nalaman niyang bumalik na ito ulit sa bahay niya katabi ng bahay ng lolo Ramon ni Raquel.

Ngayon ay nakababa na si Raquel sa hagdan at nakita niya si Althea na naghihintay. Nagtaka pa siya nang mapansin na may dala itong backpack.

“Where are you going?” tanong ni Raquel. Napakunot naman ang noo nito na nakatitig sa kanya.

“Pupunta tayo sa rest house nila Amelia at nalaman kong may pool pala doon kaya gusto kong maligo,” sagot ni Althea sa kanya.

Natawa na lamang si Raquel at hinayaan ang kaibigan. Hindi na rin siya maliligo sa pool kasi nga iniingatan niya ang kanyang sarili. Buntis siya at kailangan niyang mag-ingat sa kanyang mga galaw.

“Tara na dahil baka naghihintay na doon sila Amelia,” sabi ni Raquel.

Tumango si Althea at naglakad na sila papunta sa sasakyan. Mabuti na lang ay wala si Nicholas ka