Kabanata 0045

Maagang umalis ng mansyon si Raquel kasama ang kanyang personal driver at si Althea. Isinama niya si Althea dahil ayaw niyang mag-isang umalis. Kinakabahan na siya habang binabiyahe ang daan papuntang maynila. Dalawang oras din bago nila marating ang maynila.

Mabuti na lang at wala si Nicholas nang umalis sila. Ayaw niyang malaman ng dating asawa ang biglang pag-alis niya. Hindi siya makakapayag na hihingi siya ng tulong dito.

“I'm nervous,” ani Raquel nang mapansin niyang papalapit na sila sa kumpanya ng kanyang lolo.

“Magiging maayos din ang lahat, Raquel. Alam kong nakabantay lang si Don Ramon sa 'yo kaya 'wag kang mag-alala.”

Napangiti si Raquel dahil sa sinabi ng kanyang kaibigan. Dahil doon ay gumaan ang kanyang pakiramdam. Ilang minuto lang ay sa wakas nakarating na rin sila sa kumpanya ng kanyang lolo na ngayon ay pagmamay-ari niya na.

Pagpasok sa loob ay agad siyang sinalubong ng secretary. Maraming empleyado ng kumpanya ang bumati sa kanya. Dinala sila ng secretary sa opi