Lahat ng Kabanata ng A Woman's Unparalleled Love: Kabanata 1 - Kabanata 10

"Airith! Airith!" sigaw na tawag ni Minerva habang nagmamadaling pumasok sa loob ng hardin kung nasaan ngayon si Airith. Nasa likuran nito at nakabuntot si Estela, isang katulong.Nawala ang sigla sa mukha ni Airith at nagtatakang napabaling ang tingin sa direksyon ng tarangkahan ng hardin nang marinig ang galit na boses ni Minerva. Binitawan niya ang hose na hawak niya at sinalubong ang mga ito."Bakit po tita?" bungad na tanong niya.Una niyang tiningnan ang nakangising mukha ni Estela bago balingan ng tingin ang hawak-hawak ni Minerva na ilang pirasong bahagi ng nabasag na banga. Nakaramdam siya ng kaba."Ikaw ba ang nakabasag nito?" tanong ni Minerva.Hindi agad nakatugon si Airith sa halip ay nagtatanong ang matang tiningnan si Estela. Hindi siya ang nakabasag niyon kung hindi ay si Estela mismo! Ipinasa na naman ba nito sa kanya ang kasalanan nito?Kapag sinabi niya ang totoo ay mas lalala lang ang paninirang gagawin sa kanya ni Estela. Kung anu-anong kasinungalingang paninira p

Pagkatapos ng ilang oras na paghahanda ay heto ngayon si Airith sa labas ng HSS Restaurant. Pinili niya lang magsuot ng simple at eleganteng damit na naka-stock lang sa kanyang aparador at matagal niya nang hindi nagagamit, nag-aasam na sana ay tumugma iyon sa anumang ihahatid ng gabing iyon. Hindi rin gaano kakapal ang make-up niya sa kanyang mukha. Sapat lang iyon upang mas patingkarin pa ang kanyang natural na kagandahan. Huminga muna siya nang malalim at itinuwid ang balikat bago napagdesisyunang pumasok sa restaurant. Hindi maganda ang pakiramdam ng kanyang tiyan pero isinawalambahala niya lang iyon. Maaaring ang gabing ito ang maghatid sa kanya sa bagong kabanata ng kanilang buhay ni Sebastian at tsansang mabuo ang hinahangad niyang relasyon at pamilya. Pagkapasok ay may iilang kustomer ang napatingin sa kanya. Natural lang iyon na reaksyon ng mga tao kapag may napansing maganda sa paningin. Marahan siyang napalunok nang mapagtanto ang ilang matang nakasunod sa kanya. Binalewal

Ang mga araw ay naging linggo, hanggang sa naging buwan, kasabay niyon ang unti-unting paglaki ng tiyan ni Airith. May mga araw na bumibisita sila ni Clara sa lokal na doktor na siyang kumukumpirma sa mabuti niyang kalusugan pati na ang bata sa kanyang sinapupunan.Ang maliit na bayan na iyon na may sariling ritmong nakasanayan na niya katulad ng dati. Unti-unti ay natututunan niyang magsimula kasabay ng mga simpleng gawain sa pang-araw-araw katulad na lamang ng pagtulong niya kay Clara sa mga gawaing bahay. Higit sa lahat ay ang nakahiligan niyang gawin tuwing hapon: ang pagdidilig at pag-aalaga ng halaman na kay Clara niya lang din natutunan. Sa gabi naman ay nauupo lang siya sa hardin na iyon sa ginawa ni Hector na kawayang upuan, makikinig ng mapayapang tunog ng mga tuyong dahon na tinatangay ng hangin at huni ng mga kuliglig. Tatanaw sa naggagandahang bituin sa kalangitan at paminsan-minsang kumakanta habang sapo ang kanyang tiyan.Isang dapit-hapon, habang pinagmamasdan nila ang

Bumagsak ang balikat ni Airith dahil sa sinabing iyon ni Arthur. Gayunpaman ay hindi siya nawalan ng pag-asang baguhin ang isip nito.Lumuhod siya sa harapan nito, mapupuna sa mata ang pagmamakaawa. "Nakikiusap po ako sa inyo, Papa. Huwag niyo na pong parusahan ang pamilya ni Sebastian. Kalimutan nalang po natin ang nangyari sa'min."Nagsalubong ang kilay ni Arthur dahil sa suhestiyon ng anak. Ganito ba talaga kamahabagin si Airith? Siya itong inapi ng pamilya Vergara, hindi ba't siya dapat itong mas nakakaramdam ng galit sa pamilyang iyon?Si Clara, na mas tumindi pa ang pag-aalala sa mukha nang lumuhod si Airith, ay dali-daling lumapit sa kanya upang alalayan siyang muling maupo sa kama. "Jusko hija, hindi mo kailangang gawin 'to," nag-aalalang sambit nito pagkatapos ay binalingan ng tingin si Arthur. "Sir, nakikiusap rin po ako sa inyong pakinggan niyo nalang ang hinihiling ng inyong anak. Mas importante ang kalagayan ni Airith ngayon kaysa sa paghihiganti sa pamilya Vergara. Isa p

"A-anong ibig mong sabihin? K-kasal?" gulat na tanong ni Airith, mas humigpit pa ang pagkakahawak nito sa magkabilang kwelyo ng blazer jacket na nakapulupot sa kanyang katawan."Hayaan mo akong magpaliwanag," saad ni Stephen, naging desperado ang mga mata nito. "Our company is on the verge of bankruptcy. Ako lang ang tanging makakapagsalba ng aming kumpanya." Saglit itong huminto. "May tradisyon ang aming pamilya, marahil ay alam mo 'yon. Saka ko lang pwedeng manahin ang aming kumpanya kapag kasal na ako. And I chose you Airith, to have a fake marriage with me."Tila saglit na nahilo si Airith dahil sa narinig. Pekeng kasal upang maisalba ang kumpanya nila? Anong nangyari sa pamilya Vergara sa loob ng mahigit dalawang taon at humantong sila sa ganito?Bago niya nilisan ang pamilya Vergara ay nasa masaganang estado pa noon ang kanilang kumpanya. Naalala niya ang pag-uusap nila noon ng kanyang ama tungkol sa gagawin nito sa kanila at agad pumasok sa kanyang isip na baka naapektuhan niy