Chapter 7.2 - A New Beginning: Abducted

Matapos ng ilang saglit ay napagdesisyunan din ni Airith na bisitahin ang simbahan. Sa kalagitnaan ng kanyang paglalakad sa tahimik na kalsada, isang itim na kotse ang huminto sa kanyang tabi.

Sa una ay napakunot lang ang noo niya dahil wala siyang ideya kung bakit iyon huminto nang ganoon kaalanganin. Pero nang makita ang dalawang lalaking nakaitim na bumaba mula roon at parehong nakabonet, doon na siya nagsimulang kabahan. Dahil sa pagkabigla ay hindi na niya nagawa pang maikilos man lang ang kanyang mga paa upang subukang tumakbo.

"Sumama ka sa'min nang mahinahon. Pangakong hindi ka namin sasaktan." utos na sambit ng isang lalaki habang pwersadong hinila ang kanyang kamay papasok sa back seat.

"S-sino kayo? Anong kailangan niyo sa'kin?" usisa ni Airith sa nanginginig na boses.

Hindi nag-abalang tumugon ang mga ito. Itinali ng isang lalaki ang kanyang dalawang kamay sa kanyang likuran at piniringan ang kanyang mata ng itim na panyo. Wala na siyang nagawa kung hindi ang sumama nalang