Chapter 9 - She Is My Fiancée

Masaya silang sinalubong ng mayordoma na walang iba kung hindi ay si Estela na dating katulong lang ng pamilya Vergara. Ito ang siyang sumasalubong sa mga bisitang dumarating. May hawak-hawak itong malapad na folder na malamang ay listahan ng pangalan ng mga bisita.

Agad na nagbalik sa alaala ni Airith ang ginawang mga pang-aapi sa kanya ni Estela noon. Sa totoo lang ay naimpluwensyahan lang ito ni Minerva kaya lang nito nagawa iyon sa kanya sa kagustuhang magpabibo. Sa ibang salita ay kung mabuti ang pakikitungo sa kanya ni Minerva at Adelaida ay mabuti rin ang pakikitungo nito sa kanya.

Daig pa ni Estela ang linta kung makasipsip sa pamilya Vergara, kaya hindi na nakakapagtaka pa kung may ganito na itong estado ngayon. Naalala pa ni Airith ang dating mayordomo ng pamilya Vergara na isa ring ubod nang lupit sa kanya.

"Maligayang pagbabalik, Sir Stephen. Hinihintay na po kayo ni mada—" Natigilan si Estela nang dumako ang tingin nito kay Airith. Nanlaki pa ang mata nito na para bang na