Chapter 16 - Actually A Fiancée

"Saka ko nalang sa'yo ipapaliwanag ang tungkol doon." sambit ni Stephen nang makita ang tila naguguluhang mukha ni Airith. "For now, magpahinga nalang muna tayo. Bukas ng umaga ay kailangan nating paghandaan ang pakikipagkita natin kina mom and dad."

Ilang saglit na napakurap-kurap si Airith. "Y-You mean—"

"Yes." agad na putol ni Stephen na sinundan ng mapaglarong ngiti.

Napalunok si Airith. Sa loob ng isang taong pagsasama nila ni Sebastian ay ni minsan hindi niya pa nakikita nang personal ang mga magulang nito. Tanging sa litrato lang niya sila nakita noon. Malamang ay hindi nga siya kilala ng mga ito.

"Kailangan pa ba 'yon? Bakit hindi mo agad sinabi sa'kin noon?" tanong niya.

Tumayo si Stephen upang ayusin ang pinag-inuman nito. Ibinalik nito sa estante na lagayan ng alak ang bote ng whiskey na kaunti lang ang bawas. "Why is there a problem with meeting them?" nakakunot noo nitong tanong habang hinuhugasan ang kopa sa maliit na lababo.

"Wala naman," kibit balikat na tugon ni