Chapter 2

Lumipas ang isang linggo, akala ni Liam makakalimutan na niya ang nangyari noong birthday niya pero mas lalong tumindi ang pag-aasam na makita at mahanap niya si Nightbird. Nagpatulong na siya kay Daniel pero hindi rin daw nakuha nito ang impormasyon. Ang nasabi ng ilang crew ng Empress Hotel hindi nila nakuha ang information about her name dahil naghihintay pa ito sa kasama niya at hindi pa man lang nakapag-reserve ng table kaya ayon zero ang kinahinatnan ng kanilang paghahanap. He’s in his office, nakasandal sa swivel chair at nakatitig sa kisame na iniisip si Nightbird. After a moment bumalik na siya sa trabaho.

Maya- maya pa ay kumatok na si Suzy ang kanyang dakilang secretary.

“Yes Suzy?” tanong niya rito.

“Sir heto na po ang mga hard copy ng files na pinakukuha ninyo. Naka-book bind na po yan.” Ipinatong ni Suzy sa table.

Again, kagaya ng palagiang reaksiyon niya sa mga gumagawa ng files na iyon, napapahanga talaga siya. Malinis ang pagkakagawa at napaka-artistic.

“Thank you Suzy,” aktong aalis na si Suzy nang tanungin niya ito. “Suzy, pwede ko bang malaman ang pangalan ng mga gumagawa ng mga files na ‘to? Nakaka-good vibes kasi sila e. Hindi ko man lang mapasalamatan.”

“E kasi untouchable kayo,” bulong ni Suzy.

“Are you saying something?” tanong naman niya.

“Ah wala po Sir. Lara, Miss Lara Bernal po ang name niya.”

“So babae pala siya.”

“Ngayon n’yo lang nalaman Sir?” muling bulong ni Suzy. Sa pagkakilala niya kasi kay Liam Legaspi, never itong bumisita sa mga department ng kanyang kumpanya at halos lahat ay sa kanya na ipinagkatiwala kaya siya lang ang nakakakilala sa mga empleyado ng Legaspi Construction Company.

“Suzy, if you are saying something pakilakasan pwede? Hindi ‘yong para kang bubuyog na bulong ng bulong diyan.”

“Ay Sir, wala, wala naman po akong sinasabi,” pagtanggi ni Suzy.

“Okay sabi mo e, paki-set na lang ng schedule para madalaw ko naman ang team na iyon okay. I just want to appreciate them for their hard work,” utos niya habang nagbubuklat ng page ng libro ng mga files.

“Hay naghimala yata ang kalangitan,” muling bulong ni Suzy.

“Suzy naririnig kita, kanina pa,” tiningnan niya ito ng may konting banta.

“Ay Sir oo aalis na ako at magse-set ng schedule ng pagbisita n’yo sa kanila and belated happy birthday.”

Natigilan siya sa ginagawa nang maalala niya ang gabi ng kanyang kaarawan. Kung paanong hinaplos niya ang mga bewang ng misteryosang babaeng iyon at idinampi ang mga labi na banayad na ikinikilos na siyang nagbigay sa kanya ng kakaibang pakiramdam. Napapitlag siya sa animoy kuryenteng dumaloy sa kanyang spinal chord.

“Oh! Shoot,” nakuyumos niya ang mukha sa muli na namang pagpukaw ng alaalang iyon. “Damn,” talagang hindi siya pinatutulog ng mukhang iyon na parang isang anghel.

TAMBAK ang trabaho sa office pagkatapos na ma-approve ng board ang bagong building construction, walang humpay ang mga tawag, ang meeting with Line Age company at dahil doon nawala na sa isip ni Liam ang paghahanap kay Nightbird.

“Sir nasa kabilang linya po si Mr. Corpus,” pukaw ni Suzy.

“Okay, I’ll take the call. Ah Suzy pakidala ‘to sa first floor I need some copies para sa presentation ng budget mamaya sa meeting board,” utos niya kay Suzy.

“Right away Sir.”

Nagtataka siya na tumagal ng 45 minutes ang printing ng mga copies. Medyo kumunot ang kanyang noo nang pumasok sa si Suzy.

“Bakit ang tagal?”

“Hindi ko po alam Sir e, medyo bumagal ang kilos ni Miss Bernal.”

Nang tingnan niya ang mga kopya, ilan lang ang na-print at karamihan ng papel ay blangko na. Medyo hindi niya iyon nagustuhan.

Sa paglipas ng mga araw hindi na nagiging maganda ang gawa nito. Dati niyang hinahangaan ang dedikasyon ng empleyado na iyon dahil talagang nag-e-effort ito ng art sa pag-book bind ng mga files pero ngayon baliktad na ang pages at kulang-kulang ang print. Naiinis na si Liam kaya napasigaw siya sa pagtawag kay Suzy.

“SUZY! Bakit ganito ang pagka-book bind nito bali-baliktad ang pages. Nahihirapan akong magreview!” reklamo ni Liam na halos nakasigaw na ito. “Ibalik mo iyan sa gumawa!”

“Yes Boss,” natatarantang pinulot ni Suzy ang mga nagkalat na papel sa sahig.

Nang mga sumunod na araw.

“Suzy bakit blangko ang mga papel!” galit na galit na tanong ni Liam.

“Ah sir hindi ko po alam.”

“Sino ba yang book binder na iyan? Nagpalit na ba tayo ng clerk? Bakit parang naiba ang gawa niya?! “

“Hindi ko po alam sir,” nanginginig na sagot ni Suzy.

“Puwes alamin mo!”

Umiinit ang ulo ni Liam kapag hindi maayos ang trabaho ng mga empleyado at mabilis makapagpasira iyon ng araw niya. Sa dami ng trabaho sumabay pa ang clerk na iyon. Kailangan na niya sigurong komprontahin ito at tuluyang sisantehin.

NAPAPANSIN ni Billy ang malaking pagbabago sa katawan at kilos ni Lara hindi naman siya dating ganon. Madalas din itong tumatakbo sa banyo para magsuka. Parang may sakit ito kaya hindi magawa ng maayos ang trabaho.

“Uy girl ano ba ang nagyayari sayo? Hindi ka naman dating ganyan. Alam mo ba balita ko e napipikon na sayo si Boss dahil ang dami mo nang palpak na out come,” hindi na napigilan ni Billy ang pagpuna sa kanya.

“Hindi ko nga alam e kahit ako nahihirapan na rin,” pero may duda na siya dahil one month na siyang delay.

“Naku ang mabuti pa humingi ka muna ng day off today at magpacheck-up ka, sasamahan kita.”

“Mabuti pa nga.”

Kaya kinausap nila si Suzy para magpaalam.

“Sige ipapaalam ko na lang kay boss ang day off mo today and maybe get some rest.”

“Salamat po Miss Suzy.”

MATAGAL silang pumila sa clinic madami din kasing nagpapa-check up at habang naroon ay nakatulog siya sa pagkakaupo, nagising na lang siya ng tawagin na ng attendant ang pangalan niya.

“Mam congrats po you are one month pregnant.”

Parang dinaganan ng malaking bato ang kanyang dibdib. Tama ba ang kanyang narinig? Buntis siya. Ano na ang gagawin niya ngayon?