Chapter 4

“Sir, I’m sorry po hindi ko alam na kayo pala iyan.”

Pakiramdam ni Liam parang tumitigil ang kanyang paghinga ng makita niya kung sino ang nasa harapan niya. Para siyang napako sa pagkakatayo na nakatitig lang sa kanya at nakita ng lahat ang pagkabigla niya. Siya iyon si Nightbird. Samantalang si Miss Bernal ay nakatungo at hindi makuhang tumingin sa kanya.

Maya-maya ay sumimangot ito at waring hindi nagustuhan ang naamoy at nagsimulang maduwal kaya hindi niya napigil tumakbo papuntang CR.

“A-anong, a---anong nangyayari sa kanya?” halos mabulol siya sa pagsasalita.

“Naku Sir pasensiya ka na po talaga ako na ang nakikiusap. Buntis po kasi siya kaya hindi niya magawa nang maayos ang trabaho niya,” paliwanag ni Billy.

Hindi na siya nakakilos ni makapagsalita. Paano niya malilimutan ang mukha ng babaeng tinitigan niya ng umagang magising siya at ng mga gabing tinititigan ito sa cellphone bago matulog. Siya iyon, si Nightbird.

LUMABAS si Lara sa CR at inaasahan na ang katapusan na niya. Mukhang matatanggal na siya sa trabaho. Narinig at nakita na niya ang galit na galit na boss niya. Ano ba yan kung kailan nakita na niya ng face to face si Mr. Legaspi e sa ganito pang pagkakataon. Wrong timing naman.

Parang ayaw nang humakbang ng mga paa niya para bumalik sa desk niya. Pero kailangan niyang tapangan at least kahit sa huling pagkakataon ay makita niya si Mr. Legaspi. Hinarap niya ito pero dagliang umiwas ang tingin nito.

“I’m sorry po talaga,” pakiusap niya kay Mr. Legaspi

Palinga-linga kung saan ang tingin ni Liam, pilit niyang iniiwas sa mga mata ni Miss Bernal dahil siguradong makikilala siya nito.

“Sir, magpapasa na lang po ako ng resignation letter,” malungkot niyang pahayag at ang lahat ay nabigla. Maging si Mr. Legaspi.

Hindi makasagot si Liam tila umurong ang kanyang dila.

“Tapusin mo ito ng maayos kailangan ko iyan sa desk ko bukas, ayusin mo ang trabaho mo Miss Bernal,” yun na lang ang tanging nasabi ni Liam.

Agad nang nilisan ni Liam ang clergy team at bumalik sa kanyang office. Nagmamadaling niluwagan ang necktie sa sobrang tensiyon. All these years ay kasa-kasama na pala nila si Nightbird pero nagdala ito ng kalituhan sa kanyang isipan nang malaman niyang buntis ito na nag-iwan ng malaking katanungan. Could it be?

Naubos niya ang isang litro ng tubig sa kanyang ref. Maaaring siya ang ama ng dinadala ni Nightbird, o maaaring hindi sapagkat hindi pa niya kilala ang pagkatao nito. Buong araw siyang nag-iisip at walang ibang nagawa, ni hindi siya lumabas ng office at hindi tumanggap ng anu mang appointment. Ayaw niyang makipag-usap kahit kanino. Pero hindi naman siya makakaiwas dahil walang humpay ang pagtunog ng intercom. Si Suzy tumatawag sa kanya at mukhang mahalaga kaya kahit ayaw niya ay sinagot niya ito.

“Hello Sir, nandito po si Miss Bernal at gusto po kayong makausap. ”

His heart beats faster than it could nanginig na naman ang kanyang mga kalamnan. Nataranta siya at hindi na naman malaman kung ano ang gagawin.

“Sir papapasukin ko po ba?”

“Ah- ah- a-ano daw ang kailangan niya?”

“Sir magre-resign na daw po siya.”

“Ha?”

“Sir magreresign na daw po siya?”

“I heard you hindi ako bingi, what I mean is why?”

“Hindi ko po alam Sir.”

“Send her in,” inayos niyang mabuti ang kanyang buhok, iniba niya ang style. Ibinaba niya ang bangs para maiba ng konti ang hitsura niya. Tumayo siya at palakad-lakad sa harap ng kanyang desk. Pilit niyang nirerelax ang sarili. Nagulat siya ng biglang bumukas ang pinto at hindi sinasadyang matabig ang pen holder at bumagsak sa sahig lalo tuloy tumaas ang tension.

“Good afternoon po Mr. Legaspi.”

Nakita niya ang lungkot sa mga mata nito at parang hindi nga maayos ang pakiramdam. Halata sa mga eye bags at ayos ng buhok.Iniabot nito ang isang letter of resignation na halatang labag sa kalooban.

“Magreresign na po ako Mr. Legaspi at nais ko pong humingi ng tawad sa mga pagkukulang at pagkakamali ko. Patawad po.”

Mataman niyang tinititigan at inoobserbahan si Miss Bernal at nawawari niyang hindi siya nito nakikilala sapagkat madilim ang gabing iyon at pareho silang nakadrugs. Dahil kung na-recognize siya nito dapat doon pa lang sa una nilang confrontation.

“Miss Bernal anong dahilan bakit ka magreresign?” Sa wakas naging maayos na rin ang kanyang pagsasalita.

“Sir I’m having a difficult period of morning sickness, at kahit anong pilit ang gawin ko hindi ko po makayanang maging malakas at marelax.”

Tiningnan niya lang muna si Miss Bernal at napansin niyang panay ang takip nito sa ilong at nagsisismulang makaramdam ng pagiging iritable.

Gusto niyang tanungin ito ng personal na tanong tungkol sa ama ng kanyang dinadala pero awkward naman, bala lumabas na pakialamero siya.

“I’ll think about it, give me time. For now you will still do your work pero mas magaan na muna ang ibibigay ko sayo.”

Hindi na napigilan ni Miss Bernal ang maduwal kaya agad niyang tinakpan ang bibig.

“Miss Bernal?” Nataranta si Liam at hindi alam ang gagawin kaya napatayo siya sa pagkakaupo at inalalayan si Miss Bernal papuntang CR.

Lalong tumaas ang kanyang curiosity na malaman ang tungkol kay Miss Bernal kaya naisip niyang tanungin si Suzy kaya ipinatawag niya ito sa office.

“Sir may kailangan po ba kayo?” tanong ni Suzy.

Atubili pa siyang sumagot.

“Ahm, pwede ko bang malaman ang mga personal na information ng mga empleyado ko”

“Pwede naman po Sir,” halata sa mukha ni Suzy ang pagtataka at medyo naramdaman iyon ni Liam.

“Ahm I want to know some details about Miss Bernal.”

“Ganoon po ba Sir, ang pagkakaalam ko sa record niya ay five years na po siyang nagtatrabaho sa ating kumpanya. She’s 28 years old.”

Five years how can I not know that? natanong niya sa isip na parang ang tanga ng tingin niya sa sarili.

“What about her status as a person?” hindi niya madiretso si Suzy kung single pa ba si Miss Bernal or in a relationship.

“She’s in a relationship Sir.”