TMUW 53: Left

Madaling araw na nang magising ako dahil sa ingay na nagmumula sa pinanonood ni Lucas.

"Kanina ka pa gising?" naalimpungatan na tanong ko sa kaniya.

Salubong na salubong ang mga kilay niya na nakatingin sa pinanonood. Bakas ang pagkaseryoso kaya naman nang hindi niya ako pansinin ay binaling ko na lang din sa harapan ang atensiyon ko.

"Sa ngayon ay iniimbistagahan pa ang nangyaring trahedya para sa mga kalunos-lunos na sinapit ng mga bata sa kamay ng mga hindi matukoy kung sino ang may kasalanan. Ayon sa mga pulisya ay kinikilala na ang may gawa nito ay walang iba kung hindi ang kinikilalang Red na noon ay naipabalita na rin dahil sa pagkawala ng mga menor de edad na bata sa iba't-ibang sulok ng ating bansa," pagbabalita noon.

Nagsalubong ang mga kilay ko at umayos ng pagakakaupo.

"Si Red," bigkas ko at binalingan si Lucas ngunit mayroon na pala siyang kausap sa cell phone niya.

Hindi ko makumpirma kung ang Red na kakilala ko ang siyang tinutukoy sa balita ngunit base sa pagmum