TMUW 57: Lucy

"Are you feeling well now?" pagkumusta sa akin ni Mommy nang maabutan ko sila sa dining room at nag-uusap.

Tipid ako na ngumiti. "Pasensiya na po at naabala ko pa kayo kagabi," paghingi ko ng paumanhin.

"What happened?" tanong ni Daddy at ibinaba na ang diyaryo na hawak niya.

Pinalobo ko ang mga pisngi ko at nangungusap ang mga mata na tiningnan ko si Mommy. Hindi ko rin alam kung paano magpapaliwanag at alam ko rin na wala akong maayos na sasabihin.

Nagkibit-balikat si Mommy dahilan upang bumagsak ang mga balikat ko.

"Nag-away kayo ng asawa mo?"

"Divorce na po kami ni Lucas. Approve na rin po," walang magawa na sagot ko sa tanong ni Daddy.

"What?" salubong ang mga kilay na tanong ni Daddy. "What are you thinking, Aurora?" tanong niya at mukhang hindi natutuwa sa nalaman niya. "Kailan ito nangyari at bakit hindi namin alam? Hindi niyo pinaalam sa amin ng Mommy mo."

Napalunok na lang ako at tumungo.

"Maayos naman ang pagsasama niyo, Aurora. Bakit naman humantong sa ganito?" m