TMUW 64: Revenge

Gustong-gusto ko balikan si Lucas ngunit hindi ko magawa. Masiyadong malakas si Chris upang hatakin ako palayo roon.

Kulang na lang ay madapa na ako sa sobrang pagmamadali. Napasigaw na lang ako sa tuwing naririnig ang palitan na pagputok ng mga baril.

"Stay here," utos ni Chris nang bahagya akong itulak sa likod ng mga malalaking balde.

Hindi ko na nagawa pa na makapagsalita nang nagtatakbo siya papalayo sa gawi ko habang nagpapaulan ng bala ng baril. Mariin kong tinkpan ang mga tainga ko.

Nanlalabo na nang sobra ang aking paningin. Pakiramdam ko ay napakawalang-kwenta ko na tao dahil hindi ako makatulong sa kanila.

Umusbong ang galit sa akin nang makita si Iris na nagmamadali sa pag-alis kasama ang iilan nilang tauhan.

Mabilis kong kinuha ang baril na hawak ng isang nakabulagta na lalaki sa harapan ko.

"Iris!" pag-agaw ko sa atensiyon niya ngunit nilamon lang iyon ng mga putukan.

Itinaas ko ang braso ko at itinutok sa kaniya ang baril. Ang hindi ko inaasahan ay ang paghila