TMUW 45: Motorbike

"Daddy, isasama ko na si Aurora sa condo ko. On the process pa lang ang binili ko na villa so for the mean time pagpasensiyahan niyo na kung sa condo ko muna ititira ang anak niyo," paalam ni Lucas.

Tinapik siya ni Daddy sa balikat niya at bahagyang tumango. "Alam ko na hindi mo pababayaan ang anak ko," aniya.

Tipid lang na ngumiti si Daddy sa kaniya. Nakangiti lang din si Mommy sa amin hanggang sa maihatid kami sa labas.

Ayaw ko sumama kay Lucas pero wala rin akong pagpipilian dahil ayaw ko rin na madamay pa sila Daddy. Hindi malabo na dito naman sila magpadala ng death threats at ayaw ko rin na mangyari iyon. Hindi rin naman niya ako pinilit na sumama sa kaniya dahil mas gusto nga niya na dito na lang ako dahil baka wala rin siya sa condo madalas.

Napanguso ako nang makita ang motor bike niya. Alam niya na nasa panganib siya ay nagmo-motor bike pa.

Hinalikan ko lang sila Mommy at saka sumama na kay Lucas ngunit ganoon na lang ang pagsalubong ng kilay ko nang magkaiba ang tinahak nam