Chapter 28

EVERLEIGH

Lumipas ang mga araw na wala na akong naririnig tungkol sa kinakailangan kong pumunta kay Alcair.

Ano kayang nangyari at biglang naging gano'n?

Maging ang sa deadline ay wala rin nabanggit sa akin si Ryker na nangangahulugang naaalala ni Alcair.

Nakalimutan niya kaya? Nawala sa isip niya?

Mabuti 'yon hehe.

"Ryker," pagtawag ko sa kan'ya.

Nilingon naman ako nito at mabilis na nilapitan.

"May kailangan ka po ba, madame Everleigh?" pagtatanong niya.

"Wala bang pinag-uutos si Alcair?"

"Bakit? Nami-miss mo na ba si boss?"

Mabilis na gumusot ang mukha ko sa tanong niya. "Ano? Sira, hindi ah. Nanibago lang ako, parang nitong mga nakaraang araw kasi ay namaga ang paa ko kababalik sa kan'ya."

"Tss, magpasalamat ka na lang." Ngisi niyang sagot.

"Oo na, sige na umalis ka na sa harap ko."

"Magandang umaga, manang Mercelida." Ngiting bati ko rito.

Ngumiti ito, "Magandang umaga rin. Kahahain ko lamang po ng pagka