Chapter 179 - Ryle's Strength

Nanigas na lang sila sa kanilang mga kinatatayuan habang pinapanood ang pagsuntok na atake ni Ryle kay Daniel. Wala silang magawa kung hindi ang sigawan at kumbinsihin silang huminto.

Umpisa palang ay mababatid na kaagad na nasasaktan si Daniel sa bawat suntok na natatamo nito kay Ryle kahit pa sinasalag nito iyon. Sadyang napakalakas ng binibitawang suntok ni Ryle.

"S-security! Bakit nagsisitayuan lang kayo? Do something!" bulyaw ni Dominica sa mga guwardyang hindi magawang makalapit kina Ryle. Tumawag ang isa sa mga ito ng back-up upang tulungan sila sa pag-awat sa dalawa.

Sinubukan ni Ryle magkontra-atake ng sipa pero nanlaki nalang ang mata nito nang hindi man lang niyon nagawang maapektuhan si Ryle kahit pa hindi nito iyon sinalag. Nginisian lamang siya nito.

"I told you na hindi uubra sa'kin ang karate mo,"

Muling sumugod si Ryle. Puro pag-atake lang ang ginawa nito kaya panay atras lang ang ginawa ni Daniel. Sinusubukan nitong ilagan ang mga atakeng iyon ni Ryle pero sadyang na