Chapter 185 - Training Facility

Kung anong ekspresyon ng mukha ng mga nanonood kanina nang itapon ni Luke si Ryle ay nasa ganoon pa rin silang estado ngayon.

Pinulsuhan ni Luke ang leeg ni Ryle upang makasigurado. Nang maramdamang pumipintig naman iyon ay nakahinga siya nang maluwag. Tumayo siya at nagtungo sa kinaroroonan ni Natalia.

"Mukhang nag-enjoy ka pa sa laban n'yo ah. You could've done it earlier with that strike." saad ni Natalia na saktong kakaubos lang ng hinihithit nitong sigarilyo. Itinapon nito ang upos sa patyo pagkatapos ay nagsimulang maglakad paalis.

Tumingin muna si Luke sa kinatatayuan ni Kina na parang hinihintay ring tingnan niya ito bago siya umalis. Iniwanan niya ito ng matamis na ngiti saka marahang nagbaba-taas ang ulo bilang paalam.

Ilang saglit pa bago tuluyang makakilos ang mga naiwan doon na gulat na gulat sa nangyaring laban. Dali-daling nagsilapitan ang mga bisita sa walang malay na si Ryle upang tulungan ito nang makabawi ng diwa ang mga ito.

Parehas namang may gulat lang na reaksyo