Chapter 193 - You Are Not The Real You

"Babala lang 'yan. You have to focus kung hindi ay baka aksidente kitang mabaril."

Napalunok si Luke. Tumama ang bala niyon sa katabi niyang target. Base sa naging trajectory ng bala ay isang sentimetro ang layo niyon upang tumama iyon sa kanyang braso. Talaga bang ganito kabaliw magturo si Natalia? Paano pala kung sinubukan niyang gumalaw upang umilag nang pumutok ang baril pero nasalo niya lang ang bala?

Nagpakawala siya ng malalim na buntong hininga. Nang puntong iyon ay pumasok sa isip niya ang sekretong organisasyon. Kung malaking banta man nga sila sa kanya at kaligtasan ni Kina ay kailangan niyang gawin ang lahat ng kanyang makakaya upang matutunan ang anumang ituturo ni Natalia sa kanya. Umayos siya ng postura at tinitigan ang hawak na baril nito habang nakatutok iyon sa kanya.

Minsan niya na noong nagawang mailagan ang putok ng baril habang nasa giyera siya. Hindi lang isa ang kalaban niya noon kung hindi ay tatlo at puro riple ang kanilang gamit samantalang kutsilyo lang ang