Chapter 182 - Won't Because Can't

"Hindi ako kontento sa sinabi mo," wika ni Luke kay Ryle bago balingan ng malamig na tingin si Dominica. "Gusto kong magmula mismo sa bibig ni Lady Dominica na papayagan niya akong sumali sa kompetisyon kapag natalo kita."

"Hah! Sa tingin mo ba ay magagawa mo 'yon?"

Gustong matawa ni Ryle sa sinabi ni Luke. Ang kanyang kundisyon ay kahit na magawa man lang nitong saktan siya ay papayag na siyang sumali ito sa kompetisyon. Sinong niyayabangan nito?

"Fine. I will allow you to join the competition kapag nagawa mong talunin si Mr. Lucero." walang pagdadalawang-isip na wika ni Dominica. Sigurado naman ito sa magiging resulta ng laban.

'You're just digging your own grave, stupid trash!' sambit pa nito sa isip pagkatapos ay napangisi.

"So that's it! Narinig mo namang payag si Lady Dominica," sambit ni Ryle. "Siguro naman ay kontento ka na ro'n. Gusto mo bang magsuot pa ako ng gloves para hindi ka masyadong masaktan?" pang-uuyam nito.

Binalingan ito ni Luke ng tingin, nanatiling magkasalikop