Chapter 183 - To Pick-Up A Friend

Sumama ang ekspresyon ng mukha ni Ryle. Hindi niya nagustuhan ang pananalita nito. Gayunpaman ay wala itong magawa. Langgam lang ang pamilya niya kumpara kay Natalia.

"Ms. McCollin,"

Mabilis na lumapit si Dominica sa kanila habang may pag-aalala sa mukha. Sinundan naman agad ito ni Caroline, Kina at Ferdinand.

"Anong ginagawa n'yo rito? Si Kina ba ang nagpapunta sa inyo?" dagdag na usisa ni Dominica, nagtatakang napatingin pa kay Kina.

Tumaas ang dalawang kilay ni Kina sabay bahagyang nailing. Wala rin itong ideya kung bakit naroon si Natalia.

"Good evening, Lady Dominica. Pasensya na kung biglaan ang pagpunta ko rito,"

Sa likod ng magalang na pagbating iyon ni Natalia ay napansin ni Luke ang pagkamuhing nakakubli sa tipid nitong ngiti. Mukhang para kay Dominica iyon.

"Oh it's actually fine. Kahit araw-araw ka pang pumunta rito sa'min ay welcome na welcome ka sa aming munting mansyon." malugod na saad ni Dominica.

"Actually kaya ako pumunta rito ay dahil gusto kong sunduin ang kaibiga