Chapter 178 - I'd Like To Join Too

"Alright, kung itutuloy pa rin ni Ryle ang panliligaw niya ay bakit ako aatras? sampung libong dolyar na ang nai-donate ng pamilya ko sa pamilya Alanis. I don't care kung hindi man ako manalo, ang importante ay susubok ako." pasigaw na sambit ng isang bisita.

Makalipas ng ilang saglit ay ganoon din ang naging desisyon ng iba pa. Hindi nila hahayaan na magtagumpay nalang basta si Ryle. Lahat sila ay nakapagbigay na sa pamilya Alanis at hindi nila gugustuhing mapunta nalang iyon sa wala nang wala man lang silang napapala.

Napabuntong hininga si Luke habang may blangkong ekspresyon lang sa mukhang pinagmamasdan ang mga ito. Sila ang halimbawa ng mga isdang kumagat sa pain nina Dominica kaya ngayon ay nagkakagulo sila sa iisang buslo. Kahit gusto pa nilang kumawala ay mas pipiliin nalang nilang makipagsapalaran at hayaan ang kapalaran ang maghatid sa kanila pabalik ulit sa karagatan.

Tiningnan niya sina Dominica. Gumaan-gaan na ang loob nito nang marinig ang desisyon ng mga bisita. Maki