Chapter 180 - We Know Each Other

Nagulat ang lahat nang magawa ni Luke pahintuin ang suntok ni Ryle. Nagtataka pa ang ilan sa kanila kung paano niya nagawa iyon.

Kahit na naiinis sina Dominica kay Luke ay hindi maiwasan ng mga ito na makaramdam ng pagkaginhawa dahil sa kanyang ginawa.

"T-thank God. I thought mamamatay sa bugbog si Mr. Ruiz ngayong gabi." saad ni Caroline.

May gulat ding reaksyon si Daniel nang muli nitong idilat ang mga mata nito. Una nitong tiningnan si Ryle at nakita ang hindi makapaniwalang ekspresyon sa itsura nito. Napatingin siya kay Luke.

'Siya ba ang nagpahinto ng suntok ni Ryle?' tanong nito sa isip.

"Kung ano man ang problema n'yo sa isa't-isa ay hindi magandang ideya na dito kayo magpatayan sa harap mismo ng mansyon ng pamilya Alanis. Hindi ko sinasabing gawin n'yo ito sa ibang lugar. Ang ibig kong sabihin ay ayokong ipinapakita n'yo ang karahasan n'yo sa harapan mismo ni Kina." seryosong wika lang ni Luke.

Mariing tinitigan ni Ryle si Luke. Sa lahat ng naroon ngayon ay siya ang may pinaka