CHAPTER 70

" May plano kang iderborsyo si Venice? " gulat na tanong ni Lucine kay Amadeus.

" Matagal ko ng plano bago ka pa dumating sa mansyon, " sagot ni Amadeus.

Hindi magawang magsalita ni Lucine. Bumalik sa isipan niya ang unang beses na nahuli niya si Venice limang taon na ang nakalilipas. Malinaw pa rin sa alaala niya ang narinig sa silid kung saan naroroon si Venice at ang naging kabit nito. Tanda niya pa kung paanong kaswal na kumikilos si Venice sa harap ni Amadeus na animo'y walang ginawang kasalanan. Hindi mawari ni Lucine kung saan kumuha nang lakas ng loob si Venice upang gumawa ng kataksilan sa mismong pamamahay ni Amadeus.

" May balita ka pa ba sa lalaking naging kalaguyo ni Venice? " hindi maiwasang itanong ni Lucine. " Ngayon ko lang naisip dahil nabanggit mo na rin 'yong tungkol sainyo noon. Mukhang wala na silang koneksyon dahil parang puro trabaho na lang ngayon si Venice. "

" Sa pagkakatanda ko, may pamilya na 'yong lalaki. Hindi ko na inalam ang buong detalye kung paan