CHAPTER 17

HINDI na niya maulinigan ang pinag-uusapan ng dalawang lalaki sa labas ng kotse pero nakikita niya sa mukha ni Terence na iritable ito habang si Lucas naman ay kaswal lamang na nakikipag-usap. Mukhang seryoso ang pinag-uusapan ng dalawa para maging ganoon ang reaksiyon ng mukha ni Terence.

Maya-maya pa ay umalis na si Terence at naglakad naman si Lucas papunta sa driver seat ng kotse. Pagpasok nito ay isang malaking buntong-hininga ang pinakawalan nito na ipinagtataka niya.

"What's wrong?" tanong niya.

"Nothing serious," sagot naman nito at ngumiti sa kanya bago nito binuhay ang kotse at pinaandar.

Kahit alam niyang meron ay hindi na niya ito pinilit. Nagtataka tuloy siya kung bakit tahimik ito hanggang sa makarating sila sa isang coffee shop. Ano kaya ang sinabi ni Terence rito bakit naging seryoso ang mukha ni Lucas at tila parang may bumabagabag rito?

Pagkatapos nilang mag order ng coffee ay nagkwentuhan sila tungkol sa iba't-ibang bagay. Kahit papaano ay bumalik ang sigla ni Lucas